Kapitoly Jeneraly

Ny Kongregasiona Saleziana eran-tany

Ny Kapitoly Jeneraly no fivoriambe ambony indrindra ao amin’ny Kongregasiona Saleziana (Fikambanan’i Masindahy Fransoa de Sales).
Araka ny Lalàm-panorenan’ny Salezianin’i Don Bosco, ny Kapitoly Jeneraly no misolo tena ny Kongregasiona manontolo ary mampiasa ny fahefana ambony indrindra amin’ny fomba iombonana, rehefa voaantso ara-dalàna.

Tanjona fototra
– Manombana ny fiainana sy ny iraka nataon’ny Kongregasiona nandritra ny vanim-potoana lasa.
– Mampirisika ny fahatokiana amin’ny Evanjely sy amin’ny iraka saleziana.
– Miaro ny karismen’i Masindahy Joany Bosco, ka miantoka ny maha-izy azy sy ny fampiharana azy ankehitriny amin’ireo toe-javatra ara-kolontsaina samihafa.
– Mametraka toro-lalana ho an’ny ho avy, amin’ny alalan’ny fanapahan-kevitra, tari-dalana fandaharan’asa ary fanovana mety ho atao amin’ny Lalàm-panorenana.
– Mifidy ny Rektora Lehibe sy ny Filankeviny.

Toetra mampiavaka azy
– Ankalaziana isaky ny enin-taona izy amin’ny ankapobeny.
– Mandray anjara ireo mpikambana araka ny zony, ireo mpikambana nofidian’ny Faritany ary ireo vahiny na manam-pahaizana mety ho asaina, araka ny fitsipika.
– Fotoana firaisana, fiaraha-mitondra andraikitra ary fanavaozana izy io.
– Izy no fotoana ambony indrindra amin’ny fanavahana, fanombanana ary fanomezana tari-dalana ho an’ny Kongregasiona manontolo.

Tamin’ny 2025 no natao ny Kapitoly Jeneraly faha-29.

Raha hijery ireo antontan-taratasin’ny Kapitoly Jeneraly, tsindrio ETO.